یورپی پارلیمنٹ میں میکرون کے خلاف اور شام پر حملے پر احتجاج

مقدس دفاع نیوز ایجنسی کی بین الاقوامی رپورٹر رپورٹ کے مطابق، فرانس پریس کے مطابق  یورپی پارلیمنٹ کے اراکین کی ایسی تصاویر جاری کی ہیں جو ایسے پلے کارڈ لئے ہوئے تھے جن پر لکھا  تھا کہ شام کو چھوڑ دو، یورپی پارلیمنٹ کے اراکین اس طرح سے  شام کے امور میں مداخلت بند کئے جانے کا مطالبہ کر رہے تھے۔

فرانس کے صدر میکرون، یورپی پارلیمنٹ سے اپنے خطاب میں اصلاحات سے متعلق اپنے منصوبوں پر پارلیمانی اراکین کی حمایت حاصل کرنے کی کوشش کر رہے تھے، مگر ان اراکین نے نہ صرف عدم دلچسپی کا اظہار، بلکہ شام پر حملے میں امریکہ کا ساتھ دینے پر شدید اعتراض کیا۔

واضح رہے کہ امریکہ، برطانیہ اور فرانس نے شامی حکومت پر کیمیائی ہتھیاروں کے استعمال کا الزام عائد کر کے شام کے کئی شہروں میں  میزائل حملہ کیا ہے جس پر عالمی سطح پر شدید احتجاج کیا جا رہا ہے۔