مقدس دفاع نیوز ایجنسی کی بین الاقوامی رپورٹر رپورٹ کے مطابق، وائٹ ہاؤس کے پریس سیکریٹری آفس سے جاری دستاویز میں اعلان کیا گیا ہے امریکی صدر نے شمالی کوریا کے جوہری پروگرام کے حوالے سے ملکی سلامتی کو لاحق خطرات کے سبب نیشنل ایمرجنسی میں مزید ایک سال کا اضافہ کردیا ہے۔
واضح رہے کہ رواں ماہ کی 12 تاریخ کو ایک سال کی لفظی جنگ، تند و تیز جملوں کے تبادلے اورحملوں کی دھمکیوں کے بعد شمالی کوریا کے سربراہ اور امریکی صدر کی سنگاپور میں ملاقات ہوئی تھی اس ملاقات سے متعلق جاری اعلامیے پرٹرمپ اور کم جونگ نے دستخط کیے تھے جس میں اس امر پر اتفاق کیا گیا تھا کہ شمالی کوریا جزیرہ نما کوریا کو جوہری ہتھیاروں سے پاک کرنے کے لیے کام کرے گا۔
اس ملاقات کے بعد یوں دکھائی دیتا ہے کہ دونوں ممالک میں اب بھی اعتماد کا فقدان ہے اور اسی لئے امریکہ نے نیشنل ایمرجنسی میں مزید ایک سال کا اضافہ کردیاہے۔
پیغام کا اختتام/