مقدس دفاع نیوز ایجنسی کی بین الاقوامی رپورٹر رپورٹ کے مطابق، شام مخالفین سے وابستہ ہیومن رائٹس آبزرویٹری گروپ نے بتایا ہے کہ عفرین کے جنوب مشرقی گاؤں کوبلے پر ترک طیاروں کی بمباری میں تیرہ عام شہر مارے گئے ہیں جس میں پانچ بچے اور تین خواتین شامل ہیں۔
ایک اور اطلاع کے مطابق ترک فوج کے لڑاکا طیاروں نے شمالی مشرقی عفرین کے گاؤں دیکمداش اور عرب ویران پر بھی بمباری کی ہے جبکہ تل ملد اور تل جیجان پر ترک فوج نے گولہ باری کی ہے۔
ترکی کی فوج نے بیس جنوری سے شام کے شمالی شہر عفرین میں شاخ زیتون کے نام سے آپریشن شروع کیا ہے۔
شام کی وزارت خارجہ نے ترک فوج کے آپریشن کی مذمت کرتے ہوئے اسے اپنے اقتدار اعلی کی خلاف ورزی قرار دیا ہے۔
پیغام کا اختتام/