مقدس دفاع نیوز ایجنسی کی بین الاقوامی رپورٹر رپورٹ کے مطابق عراق کے صوبہ الانبار کے آپریشنل کمانڈر محمود الفلاحی نے کہا ہے کہ فوج، فیڈرل پولیس اور عوامی رضاکار فورس نے مقامی قبائل اور سرحدی فورس کے ساتھ مل کر ہفتے کی صبح سے سعودی عرب کی سرحد کے قریب صحرائی علاقے کو دہشت گردوں سے پاک کرنے کی کارروائیاں شروع کر دی ہیں-
مذکورہ عراقی کمانڈر کا کہنا ہے کہ الانبار آپریشن کا مقصد صوبہ الانبار کے مغربی علاقے میں واقع صحرا میں داعش کے خفیہ ٹھکانوں کو تباہ کرنا ہے-
عراق کی الجزیرہ آپریشنل کمان کے سربراہ قاسم المحمدی نے بھی اس سے پہلے کہا تھا کہ عوامی رضاکار فورس اور سیکورٹی فورس کے دستوں نے گشت کے دوران صوبہ الانبار کے سرحدی شہر القائم میں داعش کے پانچ خود کش دہشت گردوں کو ہلاک کر دیا تھا جبکہ دھماکہ خیز مواد سے لدی ہوئی ایک گاڑی کو بھی تباہ کر دیا تھا۔
پیغام کا اختتام/