اپ ڈیٹ: 09 January 2023 - 07:55

فلپائن میں طوفان 16 ہلاک، 87 ہزار متاثر

طاقت ور سمندری طوفان ’منگکھٹ‘ فلپائن کے ساحل سے ٹکرا گیا جس کے نتیجے میں 16 افراد ہلاک ہوگئے۔
خبر کا کوڈ: ۲۴۸۶
تاریخ اشاعت: 12:00 - September 16, 2018

فلپائن میں طوفان 16 ہلاک، 87 ہزار متاثرمقدس دفاع نیوز ایجنسی کی بین الاقوامی رپورٹر رپورٹ کے مطابق، انتہائی طاقتور سمندری طوفان ’منگکھٹ‘شمالی فلپائنی صوبے کاگایان کے علاقے باگاؤ سے ٹکرا گیا۔ سال کے اس سب سے طاقت ور طوفان کے آغاز میں ہی 16 افراد ہلاک ہوگئے ہیں۔

محکمہ موسمیات کا کہنا ہے کہ طوفان کی رفتار 330 کلومیٹر فی گھنٹہ تھی، انتہائی شدید باد و باران کے ساتھ زوردار جھکڑ سے معمولات زندگی معطل ہوگئے اور شاہراہوں پر نصب ہولڈنگز اور کھمبے گرگئے جب کہ لینڈ سلائیڈنگ کے واقعات بھی رونما ہوئے۔

طوفان کے باعث کئی دیہات اور شہر بجلی کی فراہمی سے محروم ہوگئے جس کی وجہ سے 87 ہزار سے زائد افراد متاثر ہوئے، گھروں کی چھتیں منہدم ہوگئیں جب کہ میدانی علاقوں میں پانی جمع ہوگیا۔

ریسکیو اداروں کو الرٹ کردیا گیا ہے جب کہ شہر کے تمام اسپتالوں میں ایمرجنسی نافذ کردی گئی ہے۔ اب تک 15 سے زائد زخمیوں کو اسپتال لایا گیا ہے جب کہ ہلاکتوں میں اضافے کا خدشہ ہے۔

دوسری جانب منگکھٹ طوفان ہانگ کانگ پہنچ رہا رہے جس کے باعث ہانگ کانگ میں بھی موسلا دھار بارشوں اور طوفانی جھکڑوں سے نمٹنے کے لیے حفاظتی انتظامات کا سلسلہ جاری ہے۔

واضح رہے کہ پانچ سال قبل فلپائن میں آنے والے طوفان ٹائیفون نے 6 ہزار سے زائد افراد کی زندگیوں کے چراغ گُل کردیئے تھے۔

پیغام کا اختتام/

آپ کا تبصرہ
مقبول خبریں