مقدس دفاع نیوز ایجنسی کی رپورٹ کے مطابق، حسین غلامپور آستان قدس رضوی ادارہ زائرین غیرایرانی کے ڈائریکٹر نے کہا: ماہ محرم کے پہلے ہی روز "حضرت زینب سلام اللہ علیہا کی سیرت میں عفاف و حجاب" کانفرنس اردوزبان زائرین کے لیے کہ جو ہندوستان و پاکستان سے حرم مطہررضوی میں تشریف لائے ہوئے تھے، خصوصی طور پر منعقدہوئی۔
انہوں نے کہا: یہ عظیم پروگرام اسلام کی عظیم خواتین جیسے حضرت زینب سلام اللہ علیہا کو نمونہ بنانے اورمسلمان خواتین کی اسلامی زندگی میں عفاف وحجاب کی ترویج و تبلیغ کی خاطراردو زبان زائر خواتین کے لیے منعقد ہوا۔
غلامپور نے وضا حت کی : یہ جلسات تمام ماہ محرم میں ہر ہفتہ بروز منگل حوزہ و یونیورسٹی کےاساتذہ کے حضور منعقد ہوں گے اور ان میں خصوصا حجاب و عفاف سے مربوط مطالب ، خواتین کے درمیان اس ثقافت کو رائج کرنا ، قرآن کریم، نہج البلاغہ اور آئمہ طاہرین علیہم السلام کے فرامین میں حجاب و عفاف کی اہمیت بیان کی جائے گی۔
آستان قدس رضوی کے ادارہ زائرین غیر ایرانی کے مدیر نے مزید کہا: تقاریر ومجالس، سوال و جواب کے جلسات، بیان احکام، عفاف و حجاب کے سلسلے میں سرگرم افراد کےذریعہ تحلیل و تبصرہ وغیرہ ان پروگراموں میں شامل ہیں کہ جو ان کانفرنس میں منعقد ہوں گے اور ہر جلسے کے آخر میں ثقافتی مقابلہ اس کلاس و کانفرنس کے مطالب کے متعلق برپا ہوگا اور پھر ان علمی ثقافتی مقابلے میں کامیاب ہونے والے افراد کو انعامات سے نواز جائے گا۔
غلامپور نے کہا: اس کانفرنس کے پہلے دور میں کنیز رضا معتمدی عظیم عالمہ نے "حفظ کرامت زن، گھریلو معاملات میں استحکام اور معاشرے میں عفاف و حجاب کی رعایت کے عنوان پر تقریر فرمائی۔
قابل ذکر ہے کہ "حضرت زینب سلام اللہ علیہا کی سیرت میں عفاف و حجاب" کانفرنس اردو زبان زائرخواتین کے لیے حرم مطہررضوی کے باب الکاظم مشرقی دروازے کے 40 نمبر کمرے میں نماز ظہر ین سے پہلے منعقد ہوا کرے گی۔
پیغام کا اختتام/