امریکہ: کیلی فورنیا میں آگ، ٹرمپ انتظامیہ کی لاپرواہی پر احتجاج

مقدس دفاع نیوز ایجنسی کی بین الاقوامی رپورٹر رپورٹ کے مطابق، کیلی فورنیا کے جنگلی علاقوں میں آگ لگے سترہ روز پورے ہو گئے ہیں اور نتیجے میں اب تک ایک لاکھ سترہ ہزار سے زائد ہیکٹر زمین جل چکی ہے جس میں انسٹھ افراد ہلاک ہو چکے ہیں تاہم، کم از کم دو سو تیس افراد لا پتہ بتائے جاتے ہیں۔

ریاستی حکام کا کہنا ہے کہ اب تک صرف ایک تہائی آگ پر ہی قابو پایا جاسکا ہے جبکہ اٹھارہ اہم علاقوں میں کہ جہاں ہوا کے جھونکوں سے آگ کے شعلے بلند اور مزید بھڑکتے جا رہے ہیں، آگ بجھانے کی کوشش کی جا رہی ہے۔

رپورٹ میں بتایا گیا ہے کہ ریاست کیلی فورنیا کے حکام اور عوام نے آگ لگنے کے اس واقعے پر واشنگٹن حکومت کی جانب سے لاتعلقی کا مظاہرہ کئے جانے پر شدید احتجاج کیا ہے۔

رپورٹ میں بتایا گیا ہے مرنے والوں کی لاشوں کی شناخت نہیں کی جاسکی ہے۔

پیغام کا اختتام/