اپ ڈیٹ: 09 January 2023 - 07:55

پاکستان میں اسرائیل کو تسلیم کرانے کی مذمت

پاکستان میں بعض قوتیں اسرائیل کی ناجائز ریاست کو تسلیم کرنے کے لئے راہ ہموار کرنے کی کوشش کر رہی ہیں۔
خبر کا کوڈ: ۳۱۳۶
تاریخ اشاعت: 19:15 - December 05, 2018

پاکستان میں اسرائیل کو تسلیم کرانےکی مذمتمقدس دفاع نیوز ایجنسی کی رپورٹ کے مطابق، ملی یکجہتی کونسل پاکستان کے مشاورتی اجلاس میں جو البصیرہ اسلام آباد میں منعقد ہوا اورجس کی صدارت کونسل کے صدر ڈاکٹر صاحبزادہ ابو الخیر محمد زبیر نے کی کہا گیا ہے کہ کونسل پاکستان میں آئینی و قانونی جدوجہد پر یقین رکھتی ہے اور ملک کے مختلف حصوں سے مساجد کی تالا بندی کی خبریں تشویش ناک ہیں۔ مشاورتی اجلاس میں اس امر پر اظہار افسوس کیا گیا کہ پاکستان میں بعض قوتیں اسرائیل کی ناجائز ریاست کو تسلیم کرنے کے لئے راہ ہموار کرنے کی کوشش کر رہی ہیں۔ پاکستان کے عوام اور مذہبی قوتیں اس کے خلاف مزاحمت کریں گی۔

کونسل کے قائدین نے فیصلہ کیا کہ بانی پاکستان قائداعظم محمد علی جناح کے فرامین کی روشنی میں فلسطینیوں کے حقوق کا دفاع جاری رکھا جائے گا۔ اجلاس میں یہ بھی فیصلہ ہوا کہ 13 دسمبر 2018 کو فلسطینیوں کی حمایت اور اسرائیلی مظالم کے خلاف ایک کانفرنس اسلام آباد میں منعقد کی جائے گی، جس سے کونسل کے قائدین اور اہم سیاسی شخصیات خطاب کریں گی۔

پیغام کا اختتام/

آپ کا تبصرہ
مقبول خبریں