اپ ڈیٹ: 25 September 2018 - 20:58
پاکستانی دارالحکومت سے ملحقہ شہر راولپنڈی میں سعدی فاؤنڈیشن کے تعاون سے فارسی زبان کے کورسز کا آغاز کردیا گیا
خبر کا کوڈ: ۵۶۴
تاریخ اشاعت: 17:45 - March 02, 2018

پاکستان میں فارسی زبان کے کورسز کا آغازمقدس دفاع نیوز ایجنسی کی رپورٹ کے مطابق، پاکستانی دارالحکومت سے ملحقہ شہر راولپنڈی میں سعدی فاؤنڈیشن کے تعاون سے فارسی زبان کے کورسز کا آغاز کردیا گیا ہے.

راولپنڈی میں قائم ایرانی خانہ فرہنگ میں ایک تقریب کے دوران خطاب کرتے ہوئے خانہ ڈائریکٹر جنرل علی آقانوری نے کہا ہے یہ کورس ایرانی تہذیب اور ثقافت میں دلچسپی رکھنے والوں کے لئے بہت اہم ہے.

انہوں نے کہا کہ ایرانی ثقافت اور تہذیب ہزاروں سال پرانی ہے اور فارسی زبان جانے بغیر ایران کی تہذیب اور ادب کو سمجھنا نا ممکن ہے.

ایرانی ثقافتی مرکز کی سربراہ نے کہا کہ فارسی زبان اس خطے کی پہچان ہے اور اردو میں 60 فیصد الفاظ فارسی زبان کے ہیں.

انہوں نے اس امید کا اظہار کیا کہ راولپنڈی میں فارسی کورس کا آغاز سے ایران اور پاکستان کے درمیان ثقافتی تعلقات کو مزید فروغ ملے گا.

یہ بات قابل ذکر ہے کہ پاکستان کے فارسی زبان کے لیکچرار مظفر علی کشمیری ان کلاسوں میں طالب علموں کو پڑھائیں گے.

پیغام کا اختتام/  

آپ کا تبصرہ
نام:
ایمیل:
* رایے:
مقبول خبریں
تازہ ترین خبریں