پڑوسیوں کی سلامتی کو اپنی سلامتی سمجھتے ہیں

مقدس دفاع نیوز ایجنسی کی رپورٹ کے مطابق یہ بات میجر جنرل غلامعلی رشید نے آج بروز بدھ مشہد میں منعقدہ ایک کانفرنس سے خطاب کرتے ہوئے کہی۔

انہوں نے کہا کہ خطے میں دشمنوں کی مداخلتوں کی مدد سے منفی اثرات مرتب ہوتے ہیں اور ایران کی سلامتی پڑوسیوں کی سیکورٹی اور پڑوسیوں کی سلامتی ایران کی سلامتی ہے،

انہوں نے کہا ہم وہ ممالک جو استکباری طاقتوں کی مداخلت کا موقع فراہم کرتے ہیں اور خطی اقوام کے خلاف فوجی اتحاد بناتے ہیں کو خبردار کرتے ہیں کہ سب سے پہلے انہیں خود ان غیر دوستانہ اور اشتعال انگیز اقدامات کی قیمت کو دینا چاہیے۔

جنرل رشید نے بتایا کہ ہم اپنے تمام پڑوسیوں کے ساتھ برادرانہ اور اچھے تعلقات رکھنے کی کوشش کرتے ہیں اور ہمارا مقصد خطے میں امن و سکون سے رہنا اور باوقار زندگی جاری رکھنا ہے۔

انہوں نے مزید بتایا کہ دشمن کے فوجی خطرات کے سامنے ایرانی معزز قوم کے وقار ، ملک کی ارضی سالمیت اور آزادی کا تحفظ، اسلامی جمہوریہ ایران کی مسلح افواج کے غیرت مند اور بہادر کمانڈروں کی سرخ لکیر ہے۔

انہوں نے مزید بتایا کہ سپاہ پاسداران نے جنگ کے بعد گزشتہ تین دہائیوں کے دوران، اپنی تمام طاقت اور صلاحیت کے ساتھ تکفیری گروہوں اور دشمنوں کے سامنے سرحدوں اور ملک سے دفاع کیا ہے۔