فرقوں اور گروہوں میں تقسیم کی پالیسی

مقدس دفاع نیوز ایجنسی کی بین الاقوامی رپورٹر رپورٹ کے مطابق لاہور کی تاریخی بادشاہی مسجد میں ہونے والے ختم نبوت کانفرنس سے خطاب کرتے ہوئے مولانا فضل الرحمن کا کہنا تھا کہ آج پاکستان پر خطرات منڈلا رہے ہیں، افغانستان، لیبیا اور دیگر ممالک کو فرقوں اور گروہوں کی بنیاد پرتقسیم کیا گیا۔ انہوں نے کہا کہ افغانستان میں جنگ کے وقت امریکہ پاکستان کے ساتھ تھا اور آج امریکہ اور ہندوستان افغانستان میں ہیں۔

مولانا فضل الرحمن نے کہا کہ تنگ نظرسوچ کے ساتھ اسلام کو مضبوط نہیں کیا جاسکتا،ہمیں بین الاقوامی حالات کو سمجھنے کی ضرورت ہے۔ جمعیت علمائے اسلام (ف) کے سربراہ کا کہنا تھا کہ پاکستان پر خطرات منڈلا رہے ہیں اور ملک اداروں کی جنگ میں پھنسا ہوا ہے۔

پیغام کا اختتام/