اپ ڈیٹ: 09 January 2023 - 07:55

ایران اور پاکستان کے درمیان ٹرین سروس کی بحالی کا فیصلہ

جنوب مشرقی ایران کے ریلوے امور کے سربراہ مجید ارجونی نے کہا ہےکہ ایران اور پاکستان نے دونوں ملکوں کے درمیان سیاحت کی صنعت کو فروغ دینے کے دائرے میں زیارت، سیاحت اور مسافر نیز تجارتی ٹرینوں کی سروس کو بحال کرنے سے اتفاق کیا ہے۔
خبر کا کوڈ: ۹۷
تاریخ اشاعت: 19:20 - January 20, 2018

ایران اور پاکستان کے درمیان ٹرین سروس کی بحالی کا فیصلہمقدس دفاع نیوز ایجنسی کی بین الاقوامی رپورٹر رپورٹ کے مطابق، جنوب مشرقی ایران کے ریلوے کے سربراہ مجید ارجونی نے ارنا سے گفتگو کرتے ہوئے کہا ہے کہ اس سلسلے میں اسلام آباد میں ہونے والے دو روزہ اجلاس میں جو ایک مشترکہ بیان جاری کئے جانے کے ساتھ ختم ہوا، دونوں ملکوں کے درمیان مختلف ٹرینوں کی آمد و رفت سے اتفاق کر لیا گیا۔

اس سے قبل بھی اعلان کیا گیا تھا کہ پاکستان اور ایران کے ریلوے حکام نے دونوں ملکوں کے درمیان مسافر ٹرین کی بحالی پر اصولی اتفاق کر لیا ہے۔

ہمارے نمائندے کے مطابق پاک ایران مسافر ٹرین کی بحالی کا اصولی فیصلہ اسلام آباد میں پاکستان اور ایران کے ریلوے کے ماہرین کی مشترکہ کمیٹی کے ایک اجلا س میں کیا گیا۔

اجلاس میں اس بات پر بھی اتفاق کیا گیا کہ یہ ٹرین مشہد اور قم سے چلے گی اور محرم الحرام کی آمد سے پہلے ٹرین سروس کے آغاز کو یقینی بنانے کی کوشش کی جائے گی۔

ٹرین سروس کے آغاز کی حتمی تاریخ کا اعلان عنقریب کیے جانے کی توقع ہے۔

اجلاس میں پاکستان اور ایران کے درمیان پندرہ مال گاڑیاں چلانے کا فیصلہ کر لیا گیا ہے تاکہ دونوں ممالک کے درمیان تجارت کے خواہشمند تاجر حضرات اپنا سامان تجارت ایران بھیج سکیں۔

پیغام کا اختتام/

آپ کا تبصرہ
مقبول خبریں