یمن پر سعودی جارحیت 31 شہید

مقدس دفاع نیوز ایجنسی کی بین الاقوامی رپورٹر رپورٹ کے مطابق، یمن کی وزارت صحت نے کہا ہے کہ شہید ہونے والوں میں خواتین اور بچے ہیں۔ اس حملے میں متعدد افراد زخمی بھی ہوئے ہیں۔

واضح رہے کہ کل سعودی عرب کے لڑاکا طیاروں نے یمن کے مہاجرین کی دو گاڑیوں پر بمباری کی جس کے نتیجے میں 31 یمنی شہید ہو گئے۔ 9 اگست کو بھی سعودی عرب نے یمن کے صوبے صعدہ کے ضحیان علاقے میں اسکول کی بس کو نشانہ بنایا تھا جس کے نتیجے میں 55  بچے شہید اور 77 دیگر زخمی ہو گئے تھے۔

سعودی عرب نے امریکا اور اسرائیل کی حمایت سے اور اتحادی ملکوں کے ساتھ مل کر چھبیس مارچ دوہزار پندرہ سے یمن پر وحشیانہ جارحیتوں کا سلسلہ شروع کر رکھا ہے ۔ اس دوران سعودی حملوں میں دسیوں ہزار یمنی شہری شہید اور زخمی ہوئے ہیں جبکہ دسیوں لاکھ یمنی باشندے اپنے گھر بار چھوڑنے پر مجبور ہوئے ہیں ۔

یمن کا محاصرہ جاری رہنے کی وجہ سے یمنی عوام کو شدید غذائی قلت اور طبی سہولتوں اور دواؤں کے فقدان کا سامنا ہے ۔

 سعودی عرب نے غریب اسلامی ملک یمن کی بیشتر بنیادی تنصیبات اسپتال اور حتی مسجدوں کو بھی منہدم کردیا ہے۔

پیغام کا اختتام/