یمن کی نیشنل سالویشن حکومت کی جانب سے عام معافی کا اعلان

مقدس دفاع نیوز ایجنسی کی رپورٹ کے مطابق، یمن کی مسلح افواج کے ترجمان یحیی سریع نے اپنے ایک بیان میں زور دے کر کہا ہے کہ حالیہ برسوں کے دوران جو لوگ سعودی اتحاد کے محاذ پر رہے ہیں اور ملت یمن کے خلاف لڑتے رہے ہیں وہ بھی اگر چاہیں تو قوم کی آغوش میں واپس آسکتے ہیں ۔

یجیی سریع نے کہا کہ یمن کے اعلی عہدیداروں نے راہ راست پر واپسی پر مائل افراد کے لئے عام معافی کا فرمان جاری کردیا ہے تاکہ یمنیوں کا قتل عام بند ہو جائے۔

 یحیی سریع نے یمن کی مسلح افواج کے کچھ جوانوں کی تقریب تقسیم اسناد سے خطاب کرتے ہوئے کہا کہ  جارح سعودی فوجی اپنی حالیہ شکست اور ناکامیوں کے بعد آخری سانس لے رہے ہیں ۔ 

یمن کی مسلح افواج کے ترجمان نے کہا کہ غاصبین اور دشمن کے ایجنٹ چاہے جتنا خون بہا لیں لیکن ان کا انجام زوال و ذلت اور استقامت کے سامنے گھٹنے ٹیکنے کے سوا کچھ نہیں ہے۔

قابل ذکر ہے کہ نیشنل سالویشن حکومت کی پیشقدمی اور یمن کو تقسیم کرنے کے متحدہ عرب امارات اور سعودی عرب کے مذموم عزائم کا راز فاش ہونے کے بعد قبائلی جوانوں اورجنگجؤوں کی ایک بڑی تعداد یمن کی نیشنل سالویشن حکومت  کی جانب  واپس آگئی ہے۔