شمالی وزیرستان میں سکیورٹی فورسز سے مقابلے کے دوران دو دہشتگرد ہلاک

مقدس دفاع نیوز ایجنسی نے ڈیلی پاکستان کے حوالے سے نقل کیا ہے کہ پاکستان کے قبائلی علاقہ شمالی وزیرستان میں سکیورٹی فورسز سے مقابلے کے دوران دو دہشتگرد ہلاک ہوگئے۔ پاکستانی فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے دتہ خیل میں دہشتگردوں کی موجودگی کی اطلاع پر آپریشن کیا گیا۔ آپریشن کے دوران فائرنگ کے تبادلے میں دو دہشتگرد ہلاک ہوگئے۔ دہشتگردوں کے ٹھکانے سے ہتھیار اور گولیاں بھی برآمد ہوئی ہیں۔ سکیورٹی فورسز نے علاقے میں مزید دہشتگردوں کی ممکنہ موجودگی کے باعث سرچ آپریشن شروع کردیا ہے۔