چینی صدر کی مدت صدارت میں مزید پانچ سال کی توسیع

چینی صدر کی مدت صدارت میں مزید پانچ سال کی توسیعمقدس دفاع نیوز ایجنسی کی رپورٹ کے مطابق، چین کی نیشنل پیپلز کانگریس کے سالانہ اجلاس میں تمام دوہزار نو سو ستر ارکان نے شی جن پنگ کے حق میں ووٹ دیا۔اس سے پہلے نیشنل پیپلزکانگریس نے شی جن پنگ کو غیرمعینہ مدت کے لیے صدر رہنے کا اختیار دیا تھا۔

شی جن پنگ دوہزار تیئیس کے بعد بھی چین کے صدر رہیں گے۔ چین کی پارلیمنٹ نے صدر شی جن پنگ کی دوسری مدت صدارت کی توثیق کردی ہے۔ چین کے صدر شی جن پنگ نے اپنے پہلے پانچ سالہ دور صدارت میں کرپشن کے خلاف مہم شروع کی تھی جس کے دوران حکمران جماعت کے بہت سے سینیئر رہنماؤں اور اعلی سرکاری عہدیداروں کو مالی بدعنوانیوں کے الزام میں گرفتار کے جیلوں میں بند کردیا گیا تھا۔

چین کی پارلیمنٹ نے کرپشن کے خلاف مہم میں مرکزی کردار ادا کرنے والے وانگ کی شان کو صدر شی جن پنگ کا معاون مقرر کیا ہے۔

پیغام کا اختتام/