به گزارش خبرنگار دفاع‌پرس از ارومیه، «علی امامی» از شاعران حوزه دفاع مقدس و مقاومت استان آذربایجان غربی آخرین سروده خود به‌مناسبت سالگرد شهادت سردار «قاسم سلیمانی» را باعنوان «اوره کلرین سرداری» به زبان ترکی آذری منتشر کرد که در ادامه می‌خوانید.
یانان بدن گلیبدیر
قانلی کفن گلیبدیر
کرمانین قیزیل گولو
دئییب وطن گلیبدیر
احسن اولسون تهرانا
گوزو آچیق کرمانا
گونو آلدی چیگنینه
عزت وئردی ایرانا
سلام وئردی قانینا
زیروه ده کی جانینا
بیر قوش اوچدو عراقدان
یولداشینین یانینا
ایگید قانا باتیبدیر
مرامینا چاتیبدیر
سیرداشینین یانیندا
نئجه راحات یاتیبدیر
یاغیشلا قار آغلادی
هئیوادان نار آغلادی
عراقین قوناغینا
چالینان تار آغلادی
یازیبدیلار باش داشین
باخار آغلار سیرداشین
سنین یاتیب یانیندا
قانلی جبهه یولداشین
یانان قارداش اولایدیم
گوزونده یاش اولایدیم
سردارین قبرین اوسته
یازیلان داش اولایدیم
یانان چیراق آغلادی
آخان بولاق آغلادی
آغ سارای قان توکنده
ایران عراق آغلادی
فدا اولوب قرآنا
عمل ائدیب پیمانا
پارچالانان پیکری
قاییدیبدیر کرمانا
گویه چاتانا قربان
قاندا یاتانا قربان
شیرین جانین عراقدا
یارا ساتانا قربان
قوناق گئتدی سلطانا
باخین گوزل مهمانا
باتدی قیزیل قانینا
شرف وئردی ایرانا
یاتان اویاق آغلادی
آچان شافاق آغلادی
سلیمانی یاناندا
یاخین اوزاق آغلادی
دنیا آغلاسین گوله
کین له یانان بولبوله
اوره کلر سردارینا
قانا باتان بولبوله
دورو سولار بولاندی
تابوت ائلده دولاندی
شامین مسافرینه
قورو گوزلر سولاندی
اوره کده یادی قالدی
آغیزدا دادی قالدی
عراقدا قانا باتدی
دنیادا آدی قالدی
اعلان یازان آغلادی
قبرین قازان آغلادی
اسلامین سردارینا
سرباز یازان آغلادی
انتهای پیام/
