بریگیڈیئر جنرل عبدالسلام سفیان نے کہا ہے کہ یمن کی فوج، پاکستان کی مجاہد اور مسلمان قوم اور اس کے سیاست دانوں کے درمیان فرق کرتی ہے، تاہم پاکستانی فوج کو یمن میں فوجی مداخلت سے متعلق سخت انتباہ دیتی ہے۔

ایرانی فوج کی بحریہ کے کمانڈر نے بحریہ کے تیسرے بحری علاقے «نبوت» کے دورے کے دوران آبنائے ہرمز اور بحیرۂ عمان کی حفاظت اور نگرانی میں مسلح افواج کے جانباز بحری اہلکاروں کے کردار کو اسلامی جمہوریہ ایران کے اقتدار کی علامت قرار دیا۔

امام علی (علیہ السلام) ملٹری اکیڈمی کے کمانڈر نے اس اکیڈمی کے فارغ التحصیل افسران کو سپریم کمانڈر کی جانب سے خصوصی عطیہ دیے جانے کا ذکر کرتے ہوئے کہا کہ اس قیمتی عطیے سے مستفید ہونا، اسلامی انقلاب کے نظریات کی پاسداری اور ملک کے دفاع کی راہ میں فارغ التحصیل افسران کی ذمہ داریوں کو دو برابر کر دیتا ہے۔

ایرانی فوج کی ائیر ڈیفنس فورس کے جانبازوں نے بندرعباس شہر کی فضائی حدود میں امریکی جارح فوج کا ایک لوکاس ڈرون تباہ کر دیا۔

آبنائے ہرمز کے جنوبی ساحل پر سمندری بارودی سرنگ سے ٹکرانے کے بعد دو خلاف ورزی کرنے والے آئل ٹینکروں میں دھماکے ہوئے جنہیں عملے نے ساحل پر چھوڑ دیا۔

سپاہ پاسداران انقلاب اسلامی کے ترجمان کی تیل کی قیمتوں کے حوالے سے معنی خیز ٹوئیٹ جس میں طنزیہ انداز میں عالمی منڈی میں تیل کی قیمتوں میں اضافے کی یاددہانی کرائی گئی ہے۔

سپاہ پاسداران انقلاب اسلامی کے کمانڈر انچیف کے مشیرِ اعلیٰ نے نیتنیاہو کے طرزِ عمل کا 1979ء میں رضا شاہ کے اقدامات سے موازنہ کرتے ہوئے کہا کہ جس طرح رضا شاہ کے اقدامات، خود اسی کے نقصان اور اسلامی انقلاب کی کامیابی کا سبب بنے، اسی طرح نیتنیاہو کے طرزِ عمل نے بھی اسلامی جمہوریہ ایران کی مضبوطی اور فلسطینی کاز کی پیش رفت میں مدد کی ہے۔ ان کے بقول، ان دونوں مقاصد کے لیے نیتنیاہو کی خدمات اتنی زیادہ ہیں کہ فلسطین کے حامی بڑے سے بڑے مصلحین اور انقلابی بھی ایسا کرنے کی استطاعت نہیں رکھتے تھے۔

سپاہ پاسداران انقلاب اسلامی کے کمانڈر انچیف کے مشیرِ اعلیٰ نے کہا ہے کہ دشمن کے دباؤ کے نتیجے میں ایرانی قوم نہ صرف پسپائی اختیار کرنے پر مجبور نہیں ہوئی بلکہ اس دباؤ نے اتحاد اور یکجہتی کو فروغ دیا ہے۔

ایران کی فوج کے کمانڈر انچیف نے کہا ہے کہ آج ہم ڈرونز کی تیاری، تقسیم اور دیکھ بھال کے شعبوں میں خصوصی طور پر سرگرم ہیں۔ اس کے ساتھ ہی جنگجوؤں کو ان ہتھیاروں کے استعمال کی ضروری تربیت بھی فراہم کر دی گئی ہے۔ ہم کہہ سکتے ہیں کہ ڈرونز اور عمومی طور پر بغیر پائلٹ نظاموں کے شعبے میں ہم اچھی خاصی پختگی حاصل کر چکے ہیں۔

سپاہ کی بحریہ کے شعبۂ تعلقاتِ عامہ نے اعلان کیا ہے کہ خلیجِ فارس کے شمالی حصے میں تیل کا سامان منتقل کرنے والے چار خلاف ورزی کرنے والے جہازوں کو نشانہ بنایا گیا جو اس وقت آگ کی لپیٹ میں ہیں۔