دہشت گردی کے خلاف جنگ میں ایران کے کردار کی تعریف
سابق پاکستانی سفیر فوزیہ نسرین نے کہا ہے کہ اسلامی جمہوریہ ایران دہشت گردی کے مسئلے سے بہت اچھی طرح سے نمٹنا جانتا ہے اور اس حوالے سے بہت سنجیدہ اور مخلصانہ کوششیں کر رہا ہے۔
مقدس دفاع نیوز ایجنسی کی رپورٹ کے مطابق، سابق پاکستانی سفیر فوزیہ نسرین کا کہنا تھا کہ ایران دہشت گردی کے خطرات کا سامنا کرنے والے خطے کے ملکوں کے لئے ایک مثالی کردار ادا کر رہا ہے۔
انہوں نے مزید کہا کہ انتہاپسندی اور دہشت گردی تمام علاقائی ممالک کے لئے ایک بڑا خطرہ ہے اور اس کا حل صرف مشترکہ کوششوں اور تعاون کے ذریعے ہی ممکن ہے۔
انہوں نے کہا کہ اس بات کو سمجھنے کی ضرورت ہے کہ دہشت گردی کا آغاز کہاں سے ہو رہا ہے اور مختلف ممالک میں مختلف اقسام سے دہشت گردی اور انتہا پسندی جاری ہے۔
سابق پاکستانی سفیر نے یہ بات زور دے کر کہی کہ دہشت گردی کی مکمل بیخ کنی کے لیے ہمیں اس کے حقیقی اسباب کا پتہ لگانا ہو گا اور یہ دیکھنا ہو گا دہشت گردی کہاں سے پھیلائی جا رہی ہے۔
پیغام کا اختتام/
آپ کا تبصرہ
