ہندوستان کے قومی سلامتی کے مشیر کی ایران کی قومی سلامتی کی اعلی کونسل کے سیکریٹری سے ملاقات

مقدس دفاع نیوز ایجنسی کی رپورٹ کے مطابق، تہران میں دونوں فریقوں کے درمیان ہونے والی اس ملاقات میں علی شمخانی اور اجیت ڈووال نے دونوں ملکوں کے درمیان سیکورٹی کے علاوہ سیاسی، اقتصادی، تجارتی اور ٹرانزیٹ کے شعبوں میں تعاون کی مزید توسیع کی ضرورت پر زور دیا۔

انھوں نے ایران اور ہندوستان کے تعلقات کی توسیع میں دونوں ملکوں کے قومی سلامتی اداروں کے موثر کردار کی طرف اشارہ کرتے ہوئے دو طرفہ تعلقات کو زیادہ سے زیادہ فروغ دیئے جانے کی ضرورت پر تاکید کی۔

ایران کی قومی سلامتی کی اعلی کونسل کے سیکریٹری علی شمخانی نے بعض ملکوں کے خلاف امریکہ کی یکطرفہ پابندیوں کو ظالمانہ قرار دیا۔

اس ملاقات میں ہندوستان کے قومی سلامتی کے مشیر اجیت ڈووال نے بھی جو تہران سیکورٹی اجلاس میں شرکت کے لئے ایران کے دورے پر ہیں، اس اجلاس کے انعقاد اور ایران کی میزبانی کی قدردانی کرتے ہوئے دونوں ملکوں کے درمیان مذاکرات کا عمل جاری اور دو طرفہ سمجھوتوں کو آگے بڑھائے جانے کی ضرورت پر زور دیا۔

انھوں نے کہا کہ ہندوستان اقتصادی شعبے میں ایران کے ساتھ تعاون جاری رکھے گا اور ان کا ملک ایران میں سرمایہ کاری میں دلچسپی رکھتا ہے۔

پیغام کا اختتام/