ایٹمی معاہدے کے تحفظ کے لئے مغرب کی کوششوں پر امریکہ کی برہمی

مقدس دفاع نیوز ایجنسی کی بین الاقوامی رپورٹر رپورٹ کے مطابق، انھوں نے نیویارک میں ایران اور گروپ چار جمع ایک کے وزرائے خارجہ کے اجلاس اور ایران کے تیل کی برآمدات کے تحفظ نیز موثر مالی سسٹم کے قیام کے لئے ان کے وعدے کی طرف اشارہ کر تے ہوئے کہا ہے کہ واشنگٹن، امریکہ کی پابندیوں کے نظرانداز کرنے کے لئے رقم کی ادائیگی کے لئے خصوصی مالی سسٹم کے قیام کے بارے میں یورپی یونین کے خارجہ امور کی سربراہ فیڈریکا موگرینی کے بیان سے رنجیدہ ہے۔

اقوام متحدہ میں مستقل امریکی مندوب نکی ہیلی نے بھی ایٹمی معاہدے کے بارے میں فیڈریکا موگرینی کے بیان پر تنقید کرتے ہوئے کہا ہے کہ یورپی یونین خودپسند اور گھمنڈی ہے۔

انھوں نے فاکس نیوز سے گفتگو کرتے ہوئے ایٹمی معاہدے سے امریکہ کی علیحدگی کے بعد واشنگٹن کے دباؤ کے باوجود ایران کے ساتھ اقتصادی معاملات جاری رکھنے کے لئے یورپی کمپنیوں کو ترغیب دلانے سے متعلق یورپی یونین کی کوششوں کی طرف اشارہ کرتے ہوئے کہا کہ یورپی یونین نے خود پسندی اور غرور و گھمنڈ کی بنا پر غلط راستے کا انتخاب کیا ہے۔

نکی ہیلی نے ایران کے حلاف امریکی حکام کے دعوے کی تکرار کرتے ہوئے کہا کہ اس وقت امریکہ کا سب سے بڑا مسئلہ، ایران ہے۔

پیغام کا اختتام/