جواد ظریف اور جان کیری کی ملاقات قومی مفادات کے تناظرمیں

مقدس دفاع نیوز ایجنسی کی بین الاقوامی رپورٹر رپورٹ کے مطابق اسلامی جمہوریہ ایران کی وزارت خارجہ کے ترجمان بہرام قاسمی نے گزشتہ روزایرانی وزیر خارجہ محمد جواد ظریف کی سابق امریکی وزیر خارجہ جان کیری کے مابین  میونخ سیکورٹی کانفرنس کے موقع پر ملاقات اور اس حوالے سے نشرہونے والی خبروں کے حوالے سے ارنا کے نمائندے کے ساتھ گفتگو کرتے ہوئے کہا کہ ایران کے وزیر خارجہ  کی ایسے اجلاسوں کے موقع پر ایرانی مفادات کو مد نظر رکھتے ہوئے غیر ملکی حکام سمیت امریکہ کے غیرسرکاری حکام کے ساتھ ملاقاتیں ہوتی ہیں۔

بہرام قاسمی کا کہنا تھا کہ ایران کے وزیر خارجہ نے میونخ سیکورٹی کانفرنس کے موقع پر جان کیری کے علاوہ امریکہ کے سابق وزیر توانائی اور ٹرمپ کی پالیسی کے مخالف ارنسٹ مونیز سے بھی ملاقات کی۔

واضح رہے کہ ایران کے وزیر خارجہ  نے 18 فروری کو میونخ میں منعقدہ 54ویں سیکورٹی کانفرنس میں شرکت کے لیے جرمنی کا دورہ کیا تھا۔

پیغام کا اختتام/