مشترکہ عالمی معاشرہ تشکیل دینے پر تاکید

مقدس دفاع نیوز ایجنسی کی بین الاقوامی رپورٹر رپورٹ کے مطابق، چین کے صدر شی جین پینگ نے چین کے جنوبی شہر بوآؤ میں ایشین فورم کے سالانہ اجلاس سے خطاب کرتے ہوئے کہا ہے کہ گذشتہ چالیس برسوں میں چین کی ترقی اور کامیابی نے دنیا والوں پر ثابت کر دیا کہ ماڈرن ہونے کے لئے صرف ایک ہی راستہ نہیں ہے بلکہ صحیح راستے پر چلنے اور انتھک محنت کرنے سے ہر ملک اپنی مرضی کی کامیابی حاصل کر سکتا ہے-

چین کے شہر بوآؤ میں ایشین فورم کا سالانہ اجلاس منگل کو شروع ہوا جس میں پوری دنیا سے دو ہزار سیاسی، اقتصادی اور ثقافتی شخصیات اور میڈیا سے تعلق رکھنے والے اہم افراد شریک ہیں-

اس چار روزہ اجلاس میں ایران کی نمائندگی سر‏کاری خبر رساں ایجنسی ارنا کے مینیجنگ ڈائریکٹر سید ضیا ہاشمی کر رہے ہیں-

بوآؤ ایشین فورم جو اہم ترین ایشین اقتصادی فورم ہے، دو ہزار ایک میں قائم کیا گیا اور اسلامی جمہوریہ ایران بھی اس فورم کے بانی ملکوں میں شمار ہوتا ہے۔

پیغام کا اختتام/