ایران فلسطینیوں کی حمایت جاری رکھےگا

مقدس دفاع نیوز ایجنسی کی رپورٹ کے مطابق، اسلامی جمہوریہ ایران کی پارلیمنٹ کے اسپیکر کے مشیر حسین امیر عبداللہیان نے تہران میں فلسطین کے سفیر صلاح الزواری سے ملاقات میں کہا کہ ایران کی طرف سے فلسطینیوں اور اسلامی مزاحمتی تنظیموں کی حمایت کا سلسلہ پوری قوت اور طاقت کے ساتھ جاری رہےگا۔

اس ملاقات میں فلسطین کے سفیر نے کہا کہ مسئلہ فلسطین عالم اسلام کا سب سے بڑا اور اہم مسئلہ ہے اور اس مسئلہ پر امت مسلمہ کو بھر پور توجہ دینی چاہیے۔ فلسطینی سفیر نے کہا کہ امریکی صدر ٹرمپ عالمی صہیونی منصوبوں کے اصلی کرتا دھرتا ہیں اور اسے بعض گمراہ عرب حکمرانوں کی حمایت حاصل ہے ان کا کہنا تھا کہ فلسطینی عوام نے  سینچری ڈیل کو بھی مسترد کردیا ہے۔

فلسطینی سفیر نے کہا کہ امریکی صدر ٹرمپ کی جانب سے قدس کو اسرائیل کا دارالحکومت قرار دینا در اصل قدس کی تاریخ اور عالم اسلام میں قدس کی اہمیت سے ان کی عدم واقفیت کی نشاندہی ہوتی ہے۔ 

پیغام کا اختتام/