ایران اور پاکستان کی عسکری قیادت کی ملاقات

مقدس دفاع نیوز ایجنسی کی رپورٹ کے مطابق، اسلامی جمہوریہ ایران کی مسلح افواج کے سربراہ جنرل محمد باقری نے پاکستان کے آرمی چیف سے ملاقات میں پاکستان میں حالیہ دہشت گردانہ حملوں کی مذمت کرتے ہوئے دفاعی اور فوجی ٹریننگ کے میدانوں میں باہمی تعاون کو فروغ دینے کی ضرورت پر زور دیا -

پاکستان کے آرمی چیف جنرل قمرجاوید باجوہ نے بھی اس ملاقات میں ایران اور پاکستان کے دفاعی تعاون کی سطح کو بڑھانے کو ضروری قراردیا اور کہا کہ دونوں ملکوں کا تعاون علاقےمیں امن و استحکام کی صورتحال پر مثبت اثرات مرتب کرتا ہے -

ایران کی مسلح افواج کے سربراہ جنرل باقری اور ان کے ہمراہ وفد جو اتوار کو سرکاری دورے پر پاکستان پہنچا ہے پاکستان کے صدر ممنون حسین سے ملاقات کرنے کے ساتھ دیگر پاکستانی حکام سے ملاقاتیں کرے گا -