کینیڈا میں امریکہ پر انحصار کم کرنے کا عمل شروع

مقدس دفاع نیوز ایجنسی کی بین الاقوامی رپورٹر رپورٹ کے مطابق، وزیراعظم جسٹن ٹروڈو نے کہا ہے کہ کابینہ میں یہ تبدیلیاں ملک کے تجارتی لین دین کو وسعت دینے اور امریکی منڈیوں پر انحصار کم کرنے کی غرض سے کی جارہی ہیں۔نیسن ریسرچ انسٹی ٹیوٹ کے تازہ جائزے کے مطابق لیبرل کو سینتس فیصد اور کنزویٹو کو پینتیس فی صد عوامی حمایت حاصل ہے جسے دیکھتے ہوئے وزیراعظم ٹروڈو نے گیارہ وزیروں کو تبدیل کرنے کا فیصلہ کیا ہے۔وزیراعظم جسٹن ٹروڈو نے خبردار کیا ہے کہ اوٹاوا -

واشنگٹن کشیدگی سے امریکہ پر انحصار کے خطرات کھل کر سامنے آگئے ہیں۔قابل ذکر ہے کہ کینیڈا کی پچھتر فی صد برآمدات امریکی منڈیوں سے وابستہ ہیں۔

امریکی صدر ڈونلڈ ٹرمپ نے یکم جون کو یورپی یونین کے رکن ملکوں، کینیڈا اور میکسیکو سے اسٹیل اور ایلمونیئم کی درآمدات پر پچیس فیصد اور دس فی صد ڈیوٹی عائد کرکے ان ملکوں کے خلاف عملی طور پر تجارتی جنگ شروع کردی ہے۔