افغانستان سے متعلق کانفرنس میں ایران کو شرکت کی دعوت

مقدس دفاع نیوز ایجنسی کی بین الاقوامی رپورٹر رپورٹ کے مطابق، روسی دفترخارجہ کے مطابق، ایران سمیت 11 ممالک کو افغان مسئلے پر آئندہ ہونے والی کانفرنس میں دعوت دی گئی ہے.

گزشتہ سال ماسکو میں روس، ایران، پاکستان، چین، ہندوستان اور افغانستان کی مشترکہ مشاورت کے بعد افغانستان کانفرنس کا انعقاد عمل میں لایا گیا.

14 اپریل 2017 کو ماسکو میں پہلی بار افغانستان کانفرنس کا انعقاد کیا گیا جس میں مشاورتی عمل میں شریک ممالک کے علاوہ قازقستان، تاجکستان، ترکمانستان اورقرقزستان کے نائب وزرائے خارجہ نے شرکت کی تھی.

روسی بیان کے مطابق، اس کانفرنس کا مقصد افغانستان میں قیام امن و استحکام اور مصالحتی عمل کو آگے بڑھانے کے لئے معاونت فراہم کرنا ہے.

پیغام کا اختتام/