ٹرمپ اور امریکی میڈیا میں پھر ٹھنی

مقدس دفاع نیوز ایجنسی کی بین الاقوامی رپورٹر رپورٹ کے مطابق، امریکی صدر ڈونلڈ ٹرمپ نے بلومبرگ چینل سے اپنا انٹرویو  نشر کیے جانے کے طریقہ کار پر تنقید کرتے ہوئے کہا کہ انٹرویو کے بعض حصے خفیہ ہیں جنہیں نشر نہیں کیا جانا چاہیے تھا۔انہوں نے  کہا کہ بلومبرگ نے ان کے انٹرویو کے خفیہ حصے نشر کرکے ان کے ساتھ ہونے والے اتفاق رائے کی خلاف ورزی کی ہے۔

قابل ذکر ہے کہ کینیڈا کے اخبار ٹورنٹو اسٹار نے قبل ازیں اپنے ایک مقالے نامعلوم ذرائع کے حوالے سے امریکہ اور کینیڈا کے درمیان تجارتی مذاکرات کو دشوار قرار دیا تھا۔

امریکی صدر کے خفیہ انٹرویو کے منظر عام پر آنے والے حصے کے مطابق ٹرمپ نے کہا تھا کہ کینیڈا کے ساتھ آزاد تجارت کے معاہدے نیفٹا پر امریکی شرائط قبول کرنے کی صورت میں ہی دستخط کریں گے۔

دوسری جانب کینیڈا کی وزیر خارجہ کرسٹیا فری لینڈ نےکہا ہے کہ  نیفٹا میں اصلاح کے معاہدے پر دستخط کا انحصار امریکا کے تجارتی رویئے میں تبدیلی پر ہے۔

پیغام کا اختتام/