جدید سینٹری فیوج مشینیں بنانے کی تیاری

مقدس دفاع نیوز ایجنسی کی رپورٹ کے مطابق، ایران کے ایٹمی توانائی کے ادارے کے سربراہ علی اکبر صالحی نے کہا ہے کہ یہ اقدام رہبر انقلاب اسلامی کی ہدایات پر عمل میں لایا گیا ہے۔

رہبر انقلاب اسلامی آیت اللہ العظمی سید علی خامنہ ای نے چار جون کو ایٹمی توانائی کے ادارے کے ذمہ دار حکام سے فرمایا تھا کہ وہ ایٹمی معاہدے کے دائرے میں ایک لاکھ نوے ہزار سیپریٹیو ورک یونٹ تک پہنچنے کے لئے تیزی کے ساتھ تمام ضروری اقدامات عمل میں لائیں۔

علی اکبر صالحی نے تہران کے ری ایکٹر کی تعمیرنو کی طرف بھی اشارہ کرتے ہوئے کہا کہ اس ری ایکٹر کی دوبارہ تعمیر مکمل ہو گئی ہے اور اسے مزید مستحکم بنانے کے لئے ایک یورپی ملک سے سمجھوتہ بھی طے پا گیا ہے۔

واضح رہے کہ امریکی صدر ٹرمپ نے آٹھ مئی کو بے بنیاد الزامات لگا کر ایٹمی معاہدے سے امریکہ کے نکلنے کا اعلان کر دیا تھا جبکہ اس بین الاقوامی معاہدے میں شریک باقی تمام ممالک نے ایٹمی معاہدے کی حفاظت کرنے پر تاکید کی ہے۔

پیغام کا اختتام/