مقدس دفاع نیوز ایجنسی کی رپورٹ کے مطابق، اسلامی جمہوریہ ایران کے پٹرولیم کے وزیر بیژن نامدار زنگنہ نے تیل برآمد کرنے والے ممالک کی تنظیم (OPEC) کے 175ویں اجلاس میں شرکت کے لئے ویانا پہنچنے پر میڈیا سے گفتگو کرتے ہوئے کہا کہ اوپیک امریکی محکمہ توانائی کا حصہ نہیں ہے کہ امریکی احکامات پر عمل کرے بلکہ یہ ایک مستقل ادارہ ہے اور ایران کے امور میں امریکہ کے خصوصی ایلچی برایان هوک Brian Hook کی ویانا میں اوپک کے رکن ممالک کے نمائندوں کے ساتھ ملاقاتیں اور سرگرمیاں مداخلت پسندانہ ہیں۔
ایران کے پٹرولیم کےوزیر کا کہنا تھا کہ امریکہ کے خصوصی ایلچی برایان هوک Brian Hook نے ویانا کا دورہ اس لئے کیا کہ وہ امریکہ کو اوپک کا رکن ملک بنانے کی کوشش کر رہے ہیں۔
واضح رہے کہ امریکہ نے جوہری معاہدے سے نکلنے کے بعد اعلان کیا تھا کہ ایران کے تیل کی برآمدات کو صفر تک پہنچا دے گا۔ لیکن اس کے باوجود نہ فقط امریکہ کو کامیابی نہیں ملی بلکہ وہ خود عالمی سطح پر گوشہ نشینی کا شکار ہو گیا۔
پیغام کا اختتام/