نیو ایئر نائیٹ کو شب دعا کے طور پر منانے کا اعلان
مقدس دفاع نیوز ایجنسی کی بین الاقوامی رپورٹر رپورٹ کے مطابق، سنی اتحاد کونسل پاکستان کے چیئرمین صاحبزادہ حامد رضا نے اعلان کیا ہے کہ 31 دسمبر کی رات نیو ایئر نائیٹ کو شب دعا کے طور پر منایا جائے گا اور نوافل ادا کر کے نئے سال کا آغاز کیا جائے گا۔ اس سلسلہ میں ملک بھر کی مساجد میں دعائیہ تقریبات منعقد کی جائیں گی۔
سنی اتحاد کونسل نے نئے سال 2019 کو تحفظ ناموسِ رسالت سال کے نام سے منسوب کیا ہے۔ نئے سال کے دوران ملک بھر میں ناموس رسالت کانفرنسیں منعقد کی جائیں گی اور ناموس رسالت کے موضوع پر لٹریچر شائع کر کے تقسیم کیا جائے گا۔
انہوں نےحکومت سے مطالبہ کیا کہ وہ نیو ایئر نائیٹ کے نام سے ہونے والے اخلاق سوز پروگراموں پر پابندی عائد کرے۔ اسلامی ریاست میں عریانی و فحاشی پر مبنی بیہودہ تقریبات کی کوئی گنجائش نہیں۔ سیکولر طبقہ نوجوان نسل کا اخلاق تباہ کر رہا ہے۔ پوری قوم نئے سال کے آغاز کے موقع پر گھروں میں نوافل اور دعاؤں کا اہتمام کرے۔
پیغام کا اختتام/
