شامی وزیر خارجہ ایران کا دورہ کریں گے

مقدس دفاع نیوز ایجنسی کی رپورٹ کے مطابق، تفصیلات کے مطابق، "سعید خطیب زادہ" نے کہا ہے کہ شامی وزیر خارجہ "فیصل المقداد" عہدہ سنبھالنے کے بعد اپنے پہلے غیر ملکی دورے میں اسلامی جمہوریہ ایران کا دورہ کریں گے اور محمد جواد ظریف سمیت ملک کے دیگر حکام سے ملاقاتیں کریں گے۔

واضح رہے کہ شامی صدر بشار الاسد نے 23 نومبر کو فیصل المقداد کو وزیر خارجہ اور بشار الجعفری کو ان کا نائب مقرر کر دیا؛ نئی تقرریاں ولید المعلم کی وفات کے بعد کی گئی ہیں جس کا انتقال 79 سال کی عمر میں ہو گیا تھا؛ وہ نائب وزیراعظم اور وزیر خارجہ کے منصب پر سرفراز تھے۔

المقداد اس سے قبل شام کے نائب وزیر خارجہ اور اقوام متحدہ میں اپنے ملک کے سفیر رہ چکے ہیں۔