مقدس دفاع نیوز ایجنسی کی رپورٹ کے مطابق ترک حکومت نے امریکہ میں مقیم ترک عالم دین فتح اللہ گولن کی تحریک سےتعلق کےشبہ میں 238 فوجیوں کی گرفتاری کاحکم دے دیا ہے۔ ترک میڈیا کے مطابق مشتبہ افراد میں حاضر سروس کرنل، لیفٹننٹ کرنل، میجر سمیت فوجی افسران شامل ہیں۔ پراسیکیوٹر کے حکم پر 160 دیگر مشتبہ افراد کو بھی گرفتارکیا گیا ہے، ترکی میں 2016 میں حکومت کے خلاف بغاوت کی ناکام کوشش کی گئی تھی۔ جس کے بعد ترک حکومت نے ہزاروں فوجیوں کو سزا کے علاوہ نوکریوں سے بھی برخاست کردیا تھا فتح اللہ گولن کا خطرہ آج بھی ترک صدر اردوغان کے سر پر تلوار کی طرح لٹک رہا ہے۔