ایرانی پارلیمانی وفد کے دورہ روس نے مغربی کیمپ میں ہلچل مچا دی

مقدس دفاع نیوز ایجنسی کی رپورٹ کے مطابق ایرانی پارلیمنٹ کی قومی سلامتی اور خارجہ پالیسی کمیشن کے سربراہ مجتبی ذوالنور نے کہا ہے کہ اسلامی جمہوریہ ایران کے پارلیمانی وفد کے دورہ روس کے نتیجے میں مغربی کیمپ میں ہلچل پیدا ہوگئی ہے۔ مجتبی ذوالنور نے پارلیمنٹ کے اجلاس سے خطاب کرتے ہوئے کہا کہ ایرانی پارلیمنٹ کے وفد کا دورہ روس بڑي اہمیت کا حامل تھا اور اس دورے کے نتیجے میں مغربی کیمپ خاص طور پر امریکہ میں شدید غم و غصہ پایا جاتا ہے اور مغربی کیمپ میں ہلچل اس دورے کے کامیاب ہونے کا مظہر ہے۔ انھوں نے کہا کہ ایشیائی ممالک کے ساتھ تعلقات کو مضبوط بنانا ایران کی خارجہ پالیسی کی ترجیحات میں شامل ہے۔