صوبہ ہرات میں علماء کونسل کے نائب سربراہ کو قتل کردیا گیا

مقدس دفاع نیوز ایجنسی نے اطلس کے حوالے سے نقل کیا ہے کہ افغانستان کے صوبہ ہرات کی پولیس کے ترجمان عبدالاحد ولی زادہ نے کہا ہے کہ صوبہ ہرات میں علماء کونسل کے نائب سربراہ مولوی غلام محمد کبابیانی کو قتل کردیا گیا ہے۔ پولیس کے مطابق آج صبح نامعلوم مسلح افراد نے صوبہ ہرات میں علماء کونسل کے نائب سربراہ کو قتل کردیا۔ اطلاعات کے مطابق ضلع انجیل میں کبابیان کے علاقہ میں مولوی غلام محمد کبابیان کو اس وقت قتل کردیا گیا جب وہ مسجد سے واپس آرہے تھے۔ پولیس نے قتل کی تحقیقات کا آغاز کردیا ہے ابھی تک کسی شخص یا دہشت گرد گروپ نے قتل کی ذمہ داری قبول نہیں کی۔