انریکہ مورا تہران میں باقری کنی سے ملاقات کریں گے

مقدس دفاع نیوز ایجنسی یہ بات سعید خطیب زادہ نے آج بروز پیر اپنی ہفتہ وار پریس کانفرنس سے صحافیوں کے ساتھ گفتگو کرتے ہوئے کہی۔

انہوں نے کہا کہ یورپی یونین کی خارجہ پالیسی کے نائب سربراہ اور ویانا مذاکرات کے کوارڈینیٹر"انریکہ مورا تہران میں اعلی ایرانی مذاکرات کار 'علی باقری کنی سے ملاقات کریں گے۔

خطیب زادہ نے کہا کہ تہران میں ہونے والے مذاکرات کا ایجنڈا واضح ہے۔ ہم امید کرتے ہیں کہ مذاکرات کے بعد [دورہ] کے نتائج کا اعلان بہتر طور پر کر سکیں گے۔

انہوں نے بتایا کہ ایران میں مورا کی موجودگی سے ظاہر ہوتا ہے کہ ہم نے بدستور صحیح راستے میں مذاکرات کو جاری رکھا ہےاور امریکی کانگریس کی مخالف سفارتی کوششوں کے باوجود ایراناور 4+1 سفارت کاری اور ایک اچھے اور قابل اعتماد معاہدے تک پہنچنے کے لیے پرعزم ہیں۔

ایرانی وزارت خارجہ کے ترجمان نے کہا کہ اس وقت مورا کی واحد ملاقات باقری کنی سے ہے۔ مورا نے ایران کے حکام سے ملاقات کی درخواستیں کی ہیں۔ ان کی آمد کے بعد ملاقاتوں کی تفصیلات کے بارے میں آگاہ کریں گے۔

انہوں نے قطری امیر کے دورہ تہران کے بارے میں پوچھے گئے ایک سوال کے جواب میں کہا کہ یہ دورہ عنقریب ہوگا اور فریقین دوطرفہ اور علاقائی امور پر تبادلہ خیال کریں گے۔ اس سفر کے بعد ہمارے ملک کے صدر خلیج فارس کے ایک ملک کا دورہ کریں گے۔

انہوں نے ایران اور سعودی عرب کے درمیان مذاکرات کا حوالہ دیتے ہوئے کہا کہ ابھی ایران سعودی عرب تعلقات میں کوئی نئی پیشرفت نہیں ہوئی اور نئے واقعات کی اطلاع دی جائے گی ۔

انہوں نے بتایا کہ اس سال حج ادا کیا جائے گا اور یہ فطری بات ہے کہ ہمارا ایک فرض مقدس مقامات کی حرمت کا تحفظ ہے۔