کمال خرازی کی پاکستانی عہدیداروں سے ملاقات
مقدس دفاع نیوز ایجنسی کی بین الاقوامی رپورٹر رپورٹ کے مطابق ڈاکٹر کمال خرازی نے منگل کے روز سینیٹ میں حمکران جماعت مسلم لیگ کے پارلیمانی لیڈر راجہ ظفرالحق کے ساتھ ملاقات میں باہمی تعلقات کے فروغ اور دہشت گردی کے خلاف جنگ میں تعاون بڑھانے کی راہوں کا جائزہ لیا۔
ایران کی اسٹریٹیجک کونسل برائے خارجہ تعلقات کے سربراہ نے اس ملاقات میں دونوں ملکوں کے درمیان اقتصادی تعلقات کے فروغ، پاکستان کی جانب سے گیس پائپ لائن منصوبے پر عملدرآمد اور بینکاری تعلقات میں حائل رکاوٹوں کو دور کرنے کی ضرورت پر زور دیا۔
ڈاکٹر کمال خرازی نے متحدہ مجلس عمل کے صدر مولانا فضل الرحمن کے ساتھ ملاقات میں، انتہا پسندی کی روک تھام میں علمائے کرام اور سیاسی جماعتوں کے کردار کو اہم قرار دیا۔
انہوں نے کہا کہ اسلام دشمن طاقتیں داعشی عناصر کو افغانستان اور پاکستان منتقل کرنے کی کوشش کر رہی ہیں لہذا خطرے کا ٹھوس بنیادوں پر مقابلہ کرنے کی ضرورت ہے۔
ایران کی اسٹریٹیجک کونسل برائے خارجہ تعلقات کے سربراہ نے ایران اور پاکستان کے درمیان تعلقات کے فروغ پر زور دیتے ہوئے کہا کہ دونوں ملکوں کے درمیان تعاون کے ذریعے دشمنوں کی سازشوں کو ناکام بنایا جاسکتا ہے۔
ڈاکٹر کمال خرازی نے پاکستان کی قومی سلامتی کے مشیر ناصر خان جنجوعہ کے ملاقات ساتھ میں دوطرفہ تعلقات، دہشت گردی کے خلاف جنگ اور انتہا پسندی کی روک تھام نیز سرحدی سیکورٹی جیسے معاملات پر بات چیت کی۔
ایران کی اسٹریٹیجک کونسل برائے خارجہ تعلقات کے سربراہ ڈاکٹر کمال خرازی پیر کے روز کابل کا دورہ مکمل کرکے اسلام آباد پہنچے تھے۔
پیغام کا اختتام/
