امریکی میں بے گھر لوگوں کی تعداد میں اضافے پر تشویش

مقدس دفاع نیوز ایجنسی کی بین الاقوامی رپورٹر رپورٹ کے مطابق، کینیڈا سے تعلق رکھنے والی قانونی داں اور اقوام متحدہ کی خصوصی رپورٹر لیلانی فراحا نے کہا ہے کہ  کیلیفورنیا سمیت بعض امریکی ریاستوں میں بے گھر لوگوں کی تعداد میں تشویشناک حدتک اضافہ ہوا ہے۔

اقوام متحدہ کی خصوصی رپورٹر نے کیلیفورنیا کے شہر سن فرانسسکو میں بے گھر لوگوں کی صورتحال کو سب سے زیادہ افسوسناک قرار دیا۔

انہوں نے کہا کہ امریکہ جیسے دولت مند ملک میں ہوم لیس لوگوں کی تعداد میں اضافہ اور سہولتوں کا فقدان قابل قبول نہیں ہے۔

اس سے پہلے برطانوی اخبار گارڈین نے اپنی ایک رپورٹ میں لکھا تھا کہ سن دوہزار کی اقتصادی گراوٹ کے بعد سے اب تک امریکہ میں بے گھر لوگوں کی تعداد میں ریکارڈ اضافہ ہوا ہے۔

رپورٹ کے مطابق سن دوہزار سترہ کے دوران صرف سن فرانسسکو میں بے گھر لوگوں کی تعداد سات ہزار پانچسو تک پہنچ گئی ہے۔