ایران میں "آرش" خودکش اور اینٹی ریڈار ڈرون کا کامیابی سے لانچ کیا گیا
اسلامی جمہوریہ ایران کی فوج کے بڑے ڈرون جنگی مشق میں، پہلی بار آرش کا خودکش اور اینٹی ریڈار ڈرون ایک پورٹیبل کنٹینر سے لانچ کیا گیا۔
مقدس دفاع نیوز ایجنسی کی رپورٹ کے مطابق ایرانی فوج کے شعبہ تعلقات عامہ کے مطابق، اسلامی جمہوریہ ایران کی فوج کے بڑے ڈرون جنگی مشق میں، اس اقدام کے علاوہ جو چھپنے کے دوران نقل و حرکت کو بہتر بنائے گا، ہلکے بم پھینکنے کی صلاحیت کے ساتھ عمودی اڑن طیارے کی کارکردگی کا بھی کامیابی سے تجربہ کیا گیا۔
اس کے علاوہ اسی مشق کے دوران، مکران کے ساحل سے 1400 کلومیٹر کے فاصلے پر ٹریننگ کے علاقے میں طویل فاصلے تک مارنے والے خود کش ڈرونز نے کامیابی کے ساتھ اہداف کو تباہ کردیا۔
واضح رہے کہ فوج کی بڑی ڈرون جنگی مشق، صوبے سمنان کے عمومی علاقے سمیت بیک وقت اسلامی ایران کی سرحدوں کے مختلف حصوں میں کل بروز منگل سے آغاز کیا گیا ہے اور دو دنوں تک جاری رہے گا جس میں فوج کے سیکڑوں ڈرونز حصہ لیں گے۔
آپ کا تبصرہ
