یمنی فوج کا سعودی عرب کے شہریوں کو ايئر پورٹس اور عسکری مقامات سے دور رہنے کی ہدایت

مقدس دفاع نیوز ایجنسی کی رپورٹ کے مطابق یمنی فوج کے ترجمان یحیی سریع نے سعودی عرب کے شہریوں کو ايئر پورٹس اور عسکری مقامات سے دور رہنے کی ہدایت کرتے ہوئے کہا ہے کہ سعودی عرب جن ایئر پورٹس سے عسکری استفادہ کرتا ہے سعودی شہری ان سے دور رہیں۔ یمنی فوج کے ترجمان نے کہا کہ یمنی فورسز نے آج اتوار کے دن سعودی عرب کے ابہا ايئر پورٹ کو صماد 3 نامی ڈرون طیارے کے ذریعہ نشانہ بنایا ہے اور یمنی فورسز کے ڈرون طیارے نے اپنے ہدف کو تباہ کردیا ہے۔ یحیی سریع نے کہا کہ سعودی عرب کی یمن پر مسلط کردہ جنگ کا دفاع یمنی فورسز کا مسلّم حق ہے اور ہم جوابی کارروائي میں سعودی عرب کے ايئرپورٹس اور عسکری مقامات کو نشانہ بنائیں گے لہذآ سعودی عرب کے شہر ان مقامات سے دور رہیں۔