ایران اور دنیا کے چالیس سے زائد ملکوں میں عالمی یوم علی اصغر

مقدس دفاع نیوز ایجنسی کی رپورٹ کے مطابق، عالمی یوم علی اصغر کے پروگرام  جمعے کو بیک وقت ایران اور دنیا کے اکتالیس ملکوں میں منعقد ہوئے اور اس موقع پر تمام ماؤں نے اپنے کمسن اور معصوم بچوں کو اپنی آغوش میں لے کر کربلاکے ششماہے کی ماں جناب رباب کی مظلومی و مصائب پر نوحہ وگریہ کیا۔

عالمی یوم علی اصغر ہر سال محرم کے پہلے جمعے کو کربلا میں شہید کئے گئے معصوم بچوں خاص طور پر حضرت علی اصغر کی یاد میں منایا جاتاہے۔

اس پروگرام میں مائیں اپنے بچوں کو سبز و سفید رنگ کے لباس پہنا کر اور پیشانیوں پر  پٹیاں باندھ کر کہ جن پر عام طور پر یا صاحب الزمان اور  علی اصغرکا نام  لکھا ہوتا ہے، شرکت اور اہل بیت اطہار سے اپنی والہانہ محبت و عقیدت کا اظہار کرتی ہیں۔

پیغام کا اختتام/