اٹلی میں فسطائیت مخالفین اور پولیس میں جھڑپیں

مقدس دفاع نیوز ایجنسی کی بین الاقوامی رپورٹر رپورٹ کے مطابق سیکڑوں کی تعداد میں فسطائیت مخالفیں تورین شہر کی سڑکوں پر آئے اور انہوں نے نیو نازی پارٹی کیسا پونڈ کے خلاف نعرے لگائے۔

مظاہرین اس جگہ جانا چاہتے تھے جہاں کیسا پونڈ پارٹی کا اجلاس ہو رہا ہے تاہم پولیس نے انہیں ایسا کرنے کی اجازت نہیں دی۔اس دوران پولیس اور مظاہرین کے درمیان ہونے والے تصادم میں چھے پولیس اہلکار زخمی ہوگئے۔

پولیس نے مظاہرین کو منتشر کرنے کے لیے ان پر آنسوگیس کے گولے پھینکے اور پانی کی توپوں کا استعمال کیا۔

پولیس نے چھے افراد کو امن و امان میں خلل ڈالنے کے الزام میں گرفتار بھی کیا ہے۔

پیغام کا اختتام/