انڈونیشیا میں زلزلہ 82 افراد ہلاک

مقدس دفاع نیوز ایجنسی کی بین الاقوامی رپورٹر رپورٹ کے مطابق، انڈونیشیا میں سیاحت کے لیے مشہور جزیرے لومبوک میں 7 اعشاریہ صفر شدت کا زلزلہ ریکارڈ کیا گیا۔ زلزلے کے جھٹکوں کا دورانیہ 15 سیکنڈ سے زائد تھا۔ زلزلے کے نتیجے میں اب تک کم از کم 82  افراد ہلاک اور ہزاروں زخمی اور بے گھرہوگئے زلزلہ سے متعدد عمارتوں اور گھروں کو نقصان پہنچا۔

زلزلے کی شدت ریکٹر اسکیل پر 7 اعشاریہ صفر ریکارڈ کی گئی جب کہ اس کی گہرائی 10 کلومیٹر زیر زمین تھی۔

زلزلے کی وجہ سے جزیرے پر نظام زندگی معطل ہوکر رہ گیا، متعدد عمارتوں اور گھروں کو نقصان پہنچا، بجلی کا نظام معطل ہوگیا۔

انڈونیشین ڈیزاسٹر مینجمنٹ ایجنسی نے زلزلے کے بعد سونامی کی وارننگ جاری کرتے ہوئے امدادی اداروں کو الرٹ رہنے کی ہدایت کردی تاہم اس بات کو کئی گھنٹے گزر چکے ہیں۔

واضح رہے کہ بالی کے مشرق میں واقعے اس جزیرے لومبوک میں گزشتے ہفتے بھی 6 اعشاریہ 4 شدت کے زلزلے کے باعث 16 افراد ہلاک اور سیکڑو ں زخمی ہوگئے تھے۔