امریکہ سے مسلط کردہ جنگ کی دستاویزات کا مطالبہ: ایران

مقدس دفاع نیوز ایجنسی کی رپورٹ کے مطابق، ایرانی لاپتہ ہونے والے افراد کو تلاش کرنے کی کمیٹی کے کمانڈربریگیڈیئر جنرل سید محمد باقرزاده نے کہا ہے کہ عراق کی سرزمین میں دفاع مقدس کے گمنام شہدا کی لاشوں کی صحیح جگہ تلاش کرنے کے لیے امریکہ کو ایران اور عراق کی جنگ کے زمانے میں امریکیوں کے ذریعے عراق سے پینٹاگون میں منتقل ہونے والی دستاویزات کو واپس لانا چاہیے.انہوں نے کہا کہ فی الحال ہم عراق میں چار ہزار دیگر شہیدوں کی لاشیں تلاش کر رہے ہیں اور بعض اوقات ہمیں 40 سے 100 مربع کیلو میٹرکی مساحت پر کام کرنا پڑتا ہے۔ انہوں نے کہا کہ موسمیاتی تبدیلی کی وجہ سے ہمیں مشکلات کا سامنا کرنا پڑ رہا ہے۔

واضح رہے کہ ایران میں اسلامی انقلاب کو ناکام بنانے کیلئے عراق میں صدام کی بعثی حکومت نے عالمی سامراج کی مدد و حمایت سے 22 ستمبر 1980 کو ایران پر جنگ مسلط کی جو 8 سال تک جاری رہی۔ اس جنگ میں دو لاکھ بائیس ہزار ایرانی شہید اور کم سے کم ساڑھے پانچ لاکھ زخمی ہوئے۔

پیغام کا اختتام/