دنیا کی تمام مشکلات کی جڑ امریکہ ہے، اسپیکر ڈاکٹر علی لاریجانی

مقدس دفاع نیوز ایجنسی کی رپورٹ کے مطابق، منگل کے روز ترکی کے شہر انطالیہ میں یوریشین انٹر پارلیمنٹری اجلاس سے خطاب کرتے ہوئے ڈاکٹر علی لاریجانی نے کہا کہ امریکہ اور اسرائیل بین الاقوامی سلامتی کو درہم برہم کرنے پر تلے ہوئے ہیں۔

انہوں نے کہا کہ امریکہ جیسی بڑی طاقتوں کی جانب سے بین الاقوامی مسائل پر یکطرفہ پالیسیوں نے عالمی برادری کو بڑے چیلنجوں سے دوچار کر دیا ہے۔

ایران کے پارلیمانی اسپیکر نے کہا کہ بین الاقوامی ایٹمی معاہدے اور پیرس کے معاہدے سے غیرقانونی علیحدگی اور بیت المقدس کو اسرائیل کا دارالحکومت تسلیم کرنے کا اعلان امریکہ کے یکطرفہ اقدامات میں سے ایک ہے۔
انہوں نے کہا کہ امریکہ ایسے یکطرفہ اقدامات کے ساتھ دوسرے ممالک کے حقوق کو پامال کر رہا ہے۔

پیغام کا اختتام/