اپ ڈیٹ: 11 November 2019 - 13:28
حکومت پاکستان نے افغانستان کے شہر مزار شریف میں قائم اپنا قونصل خانہ عارضی طور پر بند کر دیا۔
خبر کا کوڈ: ۳۵۲۷
تاریخ اشاعت: 20:33 - January 28, 2019

ناکام حملے کے بعد مزار شریف میں پاکستانی قونصل خانہ بندمقدس دفاع نیوز ایجنسی کی بین الاقوامی رپورٹر رپورٹ کے مطابق، کابل میں پاکستانی سفارت خانے کی جانب سے جاری ہونے والے بیان میں کہا گیا ہے کہ یہ فیصلہ سیکورٹی وجوہات کی بنا پر کیا گیا ہے۔

اسلام آباد میں پاکستانی دفتر خارجہ کے ترجمان محمد فیصل نے بھی مزار شریف میں پاکستان کا قونصل خانہ بند کئے جانے کی تصدیق کی ہے۔

پاکستان کے دفتر خارجہ کے مطابق گزشتہ روز ایک خاتون کو مزار شریف میں پاکستانی قونصل خانے میں گھسنے کی کوشش کے دوران حراست میں لیا گیا تھا جس کے قبضے سے دستی بم برآمد ہوا تھا۔

کابل میں پاکستانی سفارت خانے کے جاری کردہ بیان میں حکومت افغانستان سے فول پروف سیکورٹی کی فراہمی کا مطالبہ کیا ہے۔

تاحال افغان حکام کی جانب سے اس واقعے پر کوئی ردعمل سامنے نہیں آیا ہے۔

پیغام کا اختتام/

 
 
آپ کا تبصرہ
نام:
ایمیل:
* رایے: