اگر انفراسٹرکچر کو نشانہ بنایا گیا تو ہم پورے خطے کے تمام انفراسٹرکچرز کو نشانہ بنائیں گے، خاتم الانبیاء سینٹرل ہیڈکوارٹر

دفاع پریس کے دفاعی اور سیکیورٹی گروپ کی رپورٹ کے مطابق، خاتم الانبیاء سینٹرل ہیڈکوارٹر کے ترجمان کرنل ابراہیم ذوالفقاری نے اپنے ایک پیغام میں تاکید کرتے ہوئے کہا: سب سے پہلے ایک بار پھر اس بات پر تاکید کی جاتی ہے کہ ہم کسی بھی صورت اور کسی بھی حال میں امریکہ جیسے ایک غیرملکی اور خطے سے باہر کے ملک کو آبنائے ہرمز میں مداخلت کی اجازت نہیں دیں گے۔ یہ ایران کی ناقابلِ شکست ریڈ لائن ہے۔

انہوں نے مزید کہا: اگر امریکہ کے تہی پنے سے سرشار صدر کی جانب سے جارح امریکی فوج کے ذریعے اسلامی جمہوریہ ایران کے بنیادی ڈھانچے کو نشانہ بنانے کی حالیہ دھمکیوں پر عمل کیا گیا تو ایران کے ضبط اور بردباری کے باعث جو کچھ اب تک محفوظ رہا ہے یعنی خطے کے تمام بنیادی ڈھانچے، اسلامی جمہوریہ ایران کی مقتدر مسلح افواج کے فولادی حملوں سے اس طرح نیست و نابود کر دیے جائیں گے کہ ان کا کوئی نشان باقی نہیں رہے گا گویا وہ ابتدا سے کبھی موجود ہی نہیں تھے۔

خاتم الانبیاء ہیڈکوارٹر کے ترجمان نے کہا: نادان دشمن جان لے کہ ہمارے لیے معرکہ آرائی کی گھڑی، احتیاط کی گھڑی نہیں ہوتی۔ ایران کی مسلح افواج کی جانب سے جو کارروائی کی جائے گی، وہ برابری کی ضرب نہیں بلکہ برتر ضرب ہوگی۔ ایسی ضربیں جو پہلے سے کہیں زیادہ شدید، زیادہ وسیع اور زیادہ تباہ کُن ہوں گی۔ اس قوم کے غضب کی آگ، جس نے کبھی سرِ تسلیم خم نہیں کیا، جارح دشمن کو جلا کر رکھ دے گی۔