اپ ڈیٹ: 07 May 2021 - 15:40
رہبر انقلاب اسلامی آیت اللہ العظمی سید علی خامنہ ای نے فرمایا ہے کہ دشمن کی سافٹ وار، جھوٹ، افواہوں اور سینسر شپ پر استوار ہے۔
خبر کا کوڈ: ۱۰۲
تاریخ اشاعت: 21:24 - January 21, 2018

دشمن کی سافٹ وار جھوٹ اور افواہوں پر استوار ہے، رہبر انقلاب اسلامیمقدس دفاع نیوز ایجنسی کی رپورٹ کے مطابق، دستاویزی فلم بنانے والے ایرانی نوجوان فلم سازوں کے ساتھ ملاقات کے بعد رہبر انقلاب اسلامی کے دفتر سے جاری ہونے والے بیان میں کہا گیا ہے کہ دشمن کی سافٹ وار، جھوٹ، حقائق کی تحریف، افواہیں پھیلانے، سینسٹر شپ اور بائیکاٹ پر استوار ہے جسے غیر موثر بنانا آپ کی ذمہ داری ہے۔

نوجوان فلم سازوں کے نام خط میں رہبر انقلاب اسلامی آیت اللہ العظمی سید علی خامنہ ای نے فرمایا کہ ہے آپ اپنے فن کے ذریعے نہ صرف دشمن کے پروپیگنڈے کا اثر زائل کر سکتے ہیں بلکہ اسلامی جمہوریہ ایران کی چالیس سالہ تاریخ کی کامیابیوں اور حقائق کو اجاگر بھی کرسکتے ہیں۔

رہبر انقلاب اسلامی نے فرمایا کہ دشمن کا اصل مقصد ایران کے عوام کو بد بین اور مایوس کرنا ہے اور آپ اپنے فن کے ذریعے حقائق پر بھروسہ کر کے لوگوں میں مستقبل کی امید، شوق اور لگن پیدا کر سکتے ہیں۔

آیت اللہ العظمی سید علی خامنہ ای نے اپنے پیغام میں واضح کیا ہے کہ تنقیدی دستاویزی فلموں کی تیاری، سود مند اور ضروری ہے لیکن اس کا لب و لہجہ ناصحانہ ہو اور ساتھ ہی مسائل کا حل بھی پیش کیا گیا ہو۔

رہبر انقلاب اسلامی اسلامی نے نوجوان فلم سازوں پر زور دیا کہ وہ اپنے کاموں میں خوشنودی پروردگار کو مد نظر رکھیں اور اس سے مدد طلب کریں۔

پیغام کا اختتام/

آپ کا تبصرہ
نام:
ایمیل:
* رایے:
مقبول خبریں