اپ ڈیٹ: 09 January 2023 - 07:55

فلسطینی قیدی فٹبال ورلڈ کپ کے میچ دیکھنے سے محروم

غاصب اسرائیل کے وزیر برائے عوامی تحفظ گیلاد اردان نے کہا ہے کہ فلسطینی قیدیوں کو فٹبال ورلڈ کپ کے میچز براہ راست ٹی وی پر دیکھنے نہیں دیں گے جس کے لیے جیل قواعد میں تبدیلی کریں گے۔
خبر کا کوڈ: ۱۵۰۷
تاریخ اشاعت: 12:23 - May 29, 2018

فلسطینی قیدی فٹبال ورلڈ کپ کے میچ دیکھنے سے محروممقدس دفاع نیوز ایجنسی کی بین الاقوامی رپورٹر رپورٹ کے مطابق، اسرائیل کے وزیر گیلاد اردان نے کہا ہے کہ جیلوں میں قید حماس کے رہنماؤں اور اراکین کو رواں سال ہونے والے فٹبال ورلڈ کپ کے میچز نہیں دیکھنے دیں گے۔ جب تک اسرائیلی فوج اور یرغمالی غزہ کی پٹی میں ہیں اس وقت تک حماس کے اراکین کو کسی چیز سے لطف اندوز ہونے نہیں دوں گا چاہے وہ فٹبال ورلڈ کپ ہی کیوں نہ ہو۔

اسرائیلی وزیر کا مزید کہنا تھا کہ قیدیوں کو سہولیات فراہم کرنے والے ادارے ’ اسرائیل پریزن سروس‘ کو حماس کے رکن قیدیوں پر دباؤ بڑھانے کی ہدایت کردی گئی ہے بالخصوص رواں سال 14 جون سے 15 جولائی تک ہونے والے فٹبال ورلڈ کپ کے مقابلے نہیں دیکھنے دیئے جائیں گے اور اس حوالے سے قوانین میں ترمیم بھی کی جائے گی۔

واضح رہے کہ اسرائیلی جیلوں میں 6 ہزار 5 سو سے زائد فلسطینی قیدی اسیر ہیں جن میں اکثریت فلسطینی تنظیم حماس کے رہنماوں اور اراکین کی ہیں۔ جیل قوانین کے مطابق قیدیوں کو ٹی وی دیکھنے کی اجازت ہوتی ہے لیکن اسرائیل فلسطینی قیدیوں کو اس سہولت سے محروم کرنے کے لیے ورلڈ کپ سے قبل جیل کے قوانین اور قواعد میں تبدیلی کرنے کا ارادہ رکھتا ہے۔

پیغام کا اختتام/

آپ کا تبصرہ
مقبول خبریں