اپ ڈیٹ: 09 January 2023 - 07:55

سعودی فوجی اتحاد کے ٹھکانوں پر بیلسٹک میزائلوں سے حملہ

یمنی فوج کی طرف سے سعودی عرب کی حملہ آورجارح فوج کے خلاف دفاعی کارروائیوں کا سلسلہ جاری ہے۔
خبر کا کوڈ: ۱۷۶۰
تاریخ اشاعت: 14:36 - July 03, 2018

سعودی فوجی اتحاد کے ٹھکانوں پر بیلسٹک میزائلوں سے حملہمقدس دفاع نیوز ایجنسی کی رپورٹ کے مطابق، یمنی فورسز اور قبائل نے مغربی ساحل کے محاذ پر سعودی عرب کے جارح اتحاد کے فوجی ٹھکانوں پر کم فاصلہ تک مار کرنے والے بیلسٹک میزائلوں سے حملہ کیا ہے۔

یمنی فورسز نے مغربی ساحل کے محاذ پر دشمن کے فوجی ٹھکانوں کو کم فاصلے تک مار کرنے والے میزائلوں سے نشانہ بنایا ہے۔

یمنی ذرائع کے مطابق مغربی ساحل کے محاذ پر سعودی عرب اتحاد کو تاریخی شکست کا سامنا ہے۔

سعودی عرب نے امریکا، متحدہ عرب امارات اور صیہونی حکومت کی مدد سے چھبیس مارچ دو ہزار پندرہ سے یمن پر اپنے وحشیانہ حملے شروع کر رکھے ہیں جبکہ اس نے یمن کا زمینی، سمندری اور ہوائی محاصرہ بھی کر رکھا ہے۔

یمن پر سعودی عرب اور اس کے اتحادیوں کے حملوں میں اب تک دسیوں ہزار یمنی شہری شہید اور زخمی ہو چکے ہیں جبکہ اس ملک کی بنیادی شہری تنصیبات تباہ ہوگئی ہیں- ان وحشیانہ حملوں کی وجہ سے دسیوں لاکھ یمنی شہری اپنے گھروں سے بے گھر ہوئے ہیں-

تین سال سے زائد کا عرصہ گزر جانے کے بعد بھی سعودی عرب یمن میں اب تک اپنا کوئی بھی مقصد حاصل نہیں کرسکا ہے۔

پیغام کا اختتام/

آپ کا تبصرہ
مقبول خبریں